5 ka tuig nga validity sa PRC ID gipasar sa Kamara

Gipasar sa House of Representatives sa ikaduhang pagbasa ang usa ka balaodnon aron mapalawig ang balido sa mga identification card sa Professional Regulation Commission (PRC) ngadto sa lima ka tuig gikan sa tulo ka tuig.

Giaprubahan ang House Bill 8876 pinaagi sa viva voce vote atol sa sesyon niadtong Miyerkules.

Ang HB 8876 usa sa mga balaodnon nga giduso sa House of Representatives, ubos ni Speaker Faustino Dy III ug House Majority Leader Sandro Marcos, aron mapaayo ang serbisyo sa gobyerno ug makunhuran ang kahasol sa publiko sa pagpakiglabot sa gobyerno.

Si Marcos miingon nga ang balaodnon makatabang sa mga propesyonal nga makadaginot sa oras, makunhuran ang gasto ug ang paningkamot nga gikinahanglan sa pag-renew sa ilang mga PRC ID.