Mopatuman ang National Grid Corporation of the Philippines (NGCP) og Manual Load Dropping (MLD) o rotational brownout sa pipila ka bahin sa nasud.
Sumala sa NGCP, ang pipila ka bahin sa Ilocos Sur, Pangasinan, Isabela, Nueva Ecija, Zambales, Bataan, Batangas, Albay, ug Metro Manila maapektuhan sa posibleng brownout.
Sa Metro Manila, posible ang mga pagkabalda sa kuryente sa pipila ka mga lugar nga sakop sa Manila Electric Company (MERALCO).
Lakip usab sa mga power distributor nga apektado ang nagkalain-laing electric cooperatives sama sa ISECO, CENPELCO, DECORP, ISELCO 2, NEECO II Area 1, SAJELCO, ZAMECO I, PENELCO, BATELEC I, CANORECO, ALECO, ug uban pa.
Giklaro sa NGCP nga ang gikatakdang rotational brownout mahimong kanselahon kung mouswag ang kondisyon sa power system, labi na kung ang aktuwal nga panginahanglan sa kuryente mokunhod kon itandi sa gilauman.
Giawhag usab sa ahensya ang publiko nga magdaginot ug mogamit sa kuryente og maampingong paagi aron makatabang sa pagpalig-on sa suplay sa enerhiya sa nasud.
