Nidugang ang intriga sulod sa kampo ni kanhi Pres. Rodrigo Duterte human mabutyag ang giingong panagbangi sa desisyon kabahin sa legal team nga moatubang sa kaso sa International Criminal Court.
Matod ni Dominador Lagare Jr., bisan adunay bag-ong abogado nga si Peter Haynes, kinahanglan gihapon nga sundon niini ang “theory of the case” nga unang gihimo sa kanhing abogado nga si Kaufman ubos sa legal nga proseso sa Pilipinas.
Giingon usab ni Lagare nga wala kuno direktang may kalabotan sa The Hague ang pag-ilis sa abogado, kundili resulta sa giingong dili pagsinabtanay tali sa grupo nila Sara Duterte ug Honeylet Avanceña. Dugang niya, si Honeylet kuno ang midesisyon sa pagpuli sa legal counsel human matapos ang kontrata ni Kaufman ug tungod sa nagkalainlaing legal nga tambag nga nadawat kaniadto.
Alang kang Lagare, ang maong lihok nagpakita nga ang pagdumala sa depensa ni Duterte karon mas naa na sa impluwensya sa pamilya kaysa sa simpleng legal nga estratehiya lamang
