Gipagawas na sa Holy See Press Office ang mga detalye para sa lubong ni Pope Francis sa Sabado, Abril 26. Subay sa nalatid sa ulahing gitugon sa Santo Papa, ilubong siya sa Papal Basilica of St. Mary Major.
Pangunahan ni His Eminence Cardinal Kevin Joseph Farrell nga nagsilbing Camerlengo sa Holy Roman Church, ang funeral rites para sa paglubong sa Santo Papa.
Pipila ka tag-as nga cardinal ang gilauman nga motambong sa lubong, susama nilang Cardinal Giovanni Battista Re, ang Dean ng College of Cardinals; Cardinal Roger Michael Mahony, ang Cardinal Presbyter; Cardinal Dominique Mamberti, ang Cardinal Protodeacon; dating Secretary of State Cardinal Pietro Parolin, ug uban pa.
Gipatambong usab sa lubong ang tanang Secretaries sa Holy Father. Sa adlaw mismo sa lubong, usa ka funeral Holy Mass ang ipahigayon una dalhon ang santo papa sa iyang lubnganan.
Bisan unom ka adlaw lamang gikan nga mipanaw ang Santo Papa hangtod sa hingpit siya nga ilubong sa Sabado, sundon gihapon sa simbahan ang siyam ka sunod sunod nga adlaw sa pagbangutan.
Matag adlaw makaangkon ug misa para sa Santo papa. Mamahimong abli usab sa publiko ang matag Eucharistic celebration.
