-- ADVERTISEMENT --
GENERAL SANTOS CITY – Gipahibalo sa DENR-12 ngadto sa publiko nga gitutukan nila kauban ang ilang enforcement team ang nadawat nga report niadtong Lunes, Abril 8 mahitungod sa usa ka video sa dili hustong pagtratar sa mga Philippine Tarsier nga gi-post sa social media sa usa ka vlogger nga ginganlan ug “Farm Boy” nga taga Polomolok, South Cotabato.
Gisusi na sa ahensiya ang maong butang ug nasuta nga gibuhian na sa vlogger balik sa kalasangan ang duha ka tarsier apan gipaklaro sa DENR nga mohimo sila ug dugang aksyon sa nahitabong insidente nga mga wildlife ang nahimong biktima.
