Gitay-og sa magnitude 6.3 nga linog ang amihanang bahin sa Japan niadtong Biyernes sa gabii, sumala sa Japan Meteorological Agency (JMA).
Narekord ang pag-uyog pasado alas-8:22 sa gabii sa kadagatan duol sa amihanang Miyagi Prefecture.
Walay gipagawas nga tsunami warning ug wala usab taho sa kadaot human sa linog.
Ang maong pag-uyog misunod sa mas kusog nga magnitude 7.7 nga linog nga miigo usab sa parehas nga rehiyon niadtong Abril.
Nagpasidaan ang JMA nga posible pa gihapon ang mas kusog nga pag-uyog sa lugar, bisan pa nga giisa na ang naunang earthquake advisory.
Samtang, gi-report sa state broadcaster nga NHK nga walay naobserbahan nga abnormalidad sa mga nuclear power plant sa Miyagi ug sa kasikbit nga Fukushima Prefecture.
Tungod sa linog, temporaryong gipahunong ang operasyon sa Shinkansen bullet trains, sumala sa East Japan Railway.
Ang Japan nahimutang sa gitawag nga Pacific “Ring of Fire,” mao nga kanunay kining maigo sa linog.
