Gipagawas sa Office of the Ombudsman ang mando alang sa preventive suspension ni Acting Senate Sergeant-at-Arms Mao Ranada Aplasca, nga epektibo dayon.
Ubos sa maong mando, si Aplasca gisuspinde nga walay suhol sulod sa unom ka bulan o hangtod mahuman ang administratibong pagdungog may kalabotan sa iyang kaso.
Sumala sa Ombudsman, ang padayon nga pagpabilin ni Aplasca sa puwesto mahimong makaapekto sa integridad sa imbestigasyon bahin sa mga nahitabo sa building sa Senado niadtong Mayo 13, 2026.
Ang tumong sa preventive suspension mao ang pagpreserbar sa mga dokumento ug ebidensiya nga anaa sa iyang pagdumala ug paglikay sa posibleng impluwensya sa kaso.
Kauban niini, nagpagawas usab ang Ombudsman og Subpoena Duces Tecum alang sa CCTV footage sa ikaduhang andana ug basement parking sa Senado gikan Mayo 13 hangtod Mayo 14, 2026.
Nagpadayon ang imbestigasyon aron matino ang tibuok detalye sa insidente ug ang posibleng responsibilidad ni Aplasca.
