Gideklarar sa Africa’s top health agency ang outbreak sa Ebola sa Ituri province sa sidlakang bahin sa Democratic Republic of Congo, diin miabot na sa 246 ka kaso ug 65 ka patay ang natala.
Kasagaran sa mga kaso gikan sa mga lungsod sa Mongwalu ug Rwampara nga naila sa minahan sa bulawan.
Giingon sa Africa CDC nga nagkahiusa na sila sa DR Congo ug uban pang silingan nga nasod sama sa Uganda ug South Sudan aron sa koordinadong pagtubag ug pag-monitor sa mga posibleng pagtabok sa impeksyon.
Ang Ebola usa ka delikadong sakit nga unang nadiskubre sa Congo niadtong 1976 ug gituohang gikan sa mga kabog, nga mokaylap pinaagi sa direktang kontak sa lawasnong likido ug makapahinabog grabeng pagdugo ug kapakyasan sa mga organs.
Bisan pa sa grabe nga epekto niini, wala pay klarong tambal alang sa Ebola, ug ang mga sintomas naglakip sa hilanat, kasakit sa lawas, kakapoy, ug sakit sa tutunlan.
Samtang nagpadayon ang pagsusi, 13 sa 20 ka samples ang positibo sa virus base sa preliminary tests, ug naghulat pa sa kumpirmasyon ang ubang kaso sa Bunia.
Wala pay pormal nga gi-anunsyo sa gobyerno sa Congo ang outbreak, apan nag-andam na og press briefing samtang nagpadayon ang kahimtang sa rehiyon nga apektado usab sa kagubot sa mga armadong grupo.
