Gipatilaw sa Golden State Warriors ang ikaduha nga kapildihan sa defending champion nga Boston Celtics, 118 – 112.
Wala maluwas nilang Jayson Tatum ug Derrick White ang ilang team luyo sa mukapin 36 minutos nga pagdula .
Kini human mihimo si NBA superstar Stephen Curry ug all-around performance ug nagbuhos ug 27 points, 7 rebounds, ug siyam ka assists.
Kini ang ikaduha nga engkwentro ni Curry human nakaangkon ug minor health issue.
Mitabang ug tig-16 points silang Andrew Wiggins ug Buddy Hield.
Napugngan sa Warriors ang comeback attempt sa defending champion sa 3rd ug 4th quarter sa dula.
Pagkahuman sa 1st half gihuptan sa GSW ang 11-pt. lead.
Apan sa 3rd quarter, mihimo ang Boston ug adjustment sa opensa ug gipasulod ang 41 points samtang 31 points lamang ang nabalos sa GSW.
Subling gisundan sa Boston ang agresibong opensa sa 4th quarter apan gidunganan kini sa GSW, kauban ang clutch defense nilang Kevon Looney ug Draymond Green.
