Gipahayag ni DICT Secretary Henry Aguda nga nakig-coordinate na ang Discord sa DICT ug CICC ug misaad nga mohimo og dinaliang aksyon aron mapalig-on ang proteksyon alang sa mga batan-ong tiggamit.
Matod ni Aguda, giila usab sa Discord ang panginahanglan nga ayohon ug hugtan ang ilang mga polisiya.
Nangayo usab og pasaylo si DICT Undersecretary Renato “Aboy” Paraiso, Executive Director sa CICC, sa kahasol nga nasinati sa mga tiggamit tungod sa temporaryong pag-ban sa Discord.
Gipahibalo usab sa Discord ang CICC bahin sa ilang bag-ong “Global Teen Experience” nga nagtumong sa pagpalig-on sa mga proteksyon sa mga menor de edad batok sa dili angay nga sulod ug interaksyon.
Matod ni Discord Senior Public Policy Advisor Vasundhara Singh, ang maong feature gituyo aron masiguro nga ang mga batan-on maka-access lamang sa mga espasyong haom sa ilang edad.
