North Korea, nasakmit ang unang gold medal sa Asian Games pinaagi sa weightlifting

Nasakmit sa North Korea ang ilang unang gold medal sa 20th Asian Games Aichi-Nagoya, Japan.

Kini pinaagi sa North Korean weightlifter nga si Ri Song Gum, nga nagtala usab og tulo ka world records sa women’s 49-kilogram class sa Nagoya.

Ang 4-foot-7 nga 28-anyos nga si Ri naapil na sa elite club sa upat ka weightlifters nga nakadaog og tulo ka gold medal sa Asian Games.

Nakuha usab ni Mirabai Chanu sa India ang silver medal, samtang bronze medal ang nakab-ot ni Diana Tri Wijayana sa Indonesia.

Una nang nakadaog og gold medal si Ri sa Asian Games sa Jakarta niadtong 2018 sa 48-kilogram class ug sa Hangzhou niadtong 2023 sa 49-kilogram class.