Nasunog kagabii, Disyembre 30, 2025, pasado alas-8 sa gabii, ang daghang establismento ug balay sa Capareda Street, Barangay Lagao, General Santos City.
Sumala sa mga residente sa lugar, nakadungog sila og kusog nga pagbuto nga gituohan nga gikan sa short circuit sa wiring. Upat ka firetruck ang nagtinabangay sa pagpalong sa nagdilaab nga mga building aron malikayan ang paglapas sa sunog sa uban pang estruktura.
Mokabat sa P2 milyon ang kadaut sa duha ka commercial building ug duha ka residential building sa J. Catolico Avenue, Digos-Makar Road. Totally damaged ang Konoha Motorparts and Accessories, nga gipanag-iyahan ni John Erik Grande, ug ang balay ni Mrs. Luisa Casabuena. Samtang partially damaged ang Q Credit Corporation ug usa ka residential area.
Samtang kaning nahitabong sunog ang nagpahinumdom sa kahinungdanon sa kaluwasan sa balay ug negosyo labi na sa panahon sa kapaskuhan. Ang imbestigasyon sa hinungdan sa sunog padayon gihapon sa BFP.
