GENERAL SANTOS CITY – Manginahanglan pa ug dakong pondo ang Syudad alang planong pagpanindot sa Queen Tuna Park.
Kini ang gibutyag ni Loenard Flores ang labaw sa CEMCDO sa Dakbayan.
Matud niya nga 15 Milyones ka pesos pa ang gikinahanglang pondo aron nga masugdan ang nahisgutang plano.
Gidugang pa niini nga sa pagkakaron, hapit na sugdan ang 21 milyon nga proyekto alang sa Earthworks nga gikonsiderang anaa pa lamang sa phase 1.
Pagpaklaro usab niini nga mamahimong mangita ug ubang source ang lokal nga panggamhanan nga makatabang sa pagpangita ug pondo alang sa proyekto.
Kahibaloan nga ang maong lakang kabahin sa Coastal Development Project sa Dakbayan aron nga mapalambo ang Queen Tuna Park aron mahimong usa ka hingpit nga tourist destination.
