Napuno gihapon sa tubig ang daghang mga barangay sa probinsya sa Cagayan, human ang makusog nga pag-ulan nga epekto sa bagyong Nika.
Sumala sa Provincial Government sa Cagayan, miawas na ang Cagayan River hinungdan sa mga pagbaha sa daghang mga barangay sa Tuguegarao City ug mga munisipalidad sa Alcala, Amulung, Baggao, Enrile, ug Solana sa southern Cagayan.
Nakaabot na ang tubig-baha sa mga coastal town sa Cagayan sama sa Buguey, Gonzaga, Aparri, ug uban pang lugar.
Nakasinate usab ug flash flood ang Gonzaga, kung asa daghang kabalayan ang gituhu-ang naapil kaguba tungod sa makusog nga bol-og sa tubig .
Gikataho usab ang pagkaguba sa daghang kalsada sa Cagayan ang dili maagi-an tungod sa padayon nga pagtaas sa tubig.
Gilangkuban kini sa pipila ka kalsada sa mga lugar sa Sto. Nino, Baggao, Alcala, Enrile, Piat, Solana, ug Tuguegarao City. Sa lungsod sa Tuguegarao, aduna nay 21 ka barangay ang nalunupan sa tubig baha hinungdan daghang ang mihikling.
Nagpadayon usab ang paghikling sa mga residente samtang nagpadayon ang pagtaas sa lebel sa tubig gikan sa Cagayan River, ang pinakadako nga suba sa tibuok Pilipinas.
