Hisgutanan karon sa netizens ang morag pagbugnaw sa relasyon nilang Cristine Reyes og Marco Gumabao human mamatikdan nga nag-unfollow na ang duha sa usag-usa sa Instagram.
Wala pay mga bag-ong posts sa ilang mga social media accounts, rason aron magduda ang publiko kung adunay giagian ang celebrity couple.
Kahinumdoman nga dili kini ang unang higayo nga gi-unfollow ni Cristine si Marco. Niadtong Agosto 2024, nag-deactivate si Cristine sa Instagram account sa mismong adlaw sa 30th birthday ni Marco, nga mas nagpasamot sa mga huhungihong sa panagbulag sa duha.
Pipila ka adlaw human ang isyu, nag-post pag-usab si Cristine sa Facebook og birthday greeting para kay Marco, lakip ang sweet photos nilang magkauban.
Padayon nga ginakuha sa Bombo Radyo ang habig ni Cristine og Marco para sayron ang tinuod nga estado sa ilang relasyon, apan wala pa silay tubag.
