Nagpaabot sa iyang unang anak ang aktres nga si Glaiza de Castro uban sa iyang asawang Irish nga si David Rainey.
Iyang gipahibalo ang maayong balita pinaagi sa social media niining Sabado, Septiyembre 12, diin iyang gipaambit ang iyang kasinatian sa unang mga bulan sa pagmabdos.
Matud ni De Castro, nalipay siya nga nahuman na niya ang unang trimester tungod kay dili sayon ang iyang nasinati atol niini nga hugna.
Gipasalamatan usab sa aktres ang mga babaye ug mga inahan nga iyang nakaistorya tungod sa ilang mga tambag ug suporta samtang iyang giatubang ang bag-ong kasinatian isip unang higayon nga mahimong inahan.
Iyang gipahayag ang iyang dakong pagdayeg sa mga nanay ug miingon nga lahi gayud ang ilang kalig-on ug sakripisyo.
Nagpadala dayon og pangumusta ug pagpahalipay ang mga higala ug fans kang De Castro human niya ipahibalo ang iyang pagmabdos.
Naminyo si De Castro kang Rainey niadtong Oktubre 2021 sa Northern Ireland, samtang ilang gihimo ang ikaduhang seremonya sa kasal sa Pilipinas niadtong Enero 23, 2023.
