Ihap sa mga namatay sa nasunog nga barko sa Coron, Palawan, mikabat na sa 76

Mikabat na sa 76 ang kumpirmadong namatay sa pagkasunog sa ferry boat sa Coron, Palawan.

Sabado sa gabii, nakarekober ang Philippine Coast Guard o PCG og dugang nga 41 ka patayng lawas.

Sumala kang PCG spokesperson Commodore Noemie Cayabyab, gidala na ang mga patayng lawas sa pantalan sa Coron, Palawan.

Ang unang 30 ka lawas gidala na sa forensic experts alang sa proseso sa pag-ila sa ilang mga identidad.

Lakip sa 76 nga kumpirmadong namatay ang unang lima ka biktima nga namatay human sa insidente.

Nagpadayon ang search and rescue operations aron pangitaon pa ang ubang pasahero sa barko nga nasunog niadtong Septiyembre 9.