Ben&Ben magpagawas sa ilang anthology album

Gianunsiyo sa banda nga Ben&Ben ang pagpagawas sa ilang anthology album nga “Nine.”

Kabahin kini sa pagsaulog sa grupo sa ilang ika-siyam nga anibersaryo.

Pinaagi sa ilang social media account, gipahibalo sa banda nga ipagawas ang album sa umaabot nga Setyembre 24.

Kauban usab sa maong pahibalo ang album cover artwork.

Niadtong miaging bulan, gipagawas sa grupo ang “Leaves (Reimagined).”

Kahinumduman nga niadtong miaging bulan usab gipahibalo sa banda ang pagpagawas sa CD ug vinyl edition sa ilang 2019 album nga “Limasawa Street.”