Gihulagway sa abogado ni Leyte 1st District Representative Martin Romualdez nga si Atty. Ade Fajardo isip usa ka “true heartbreak moment” ang mando sa Sandiganbayan nga ibalhin ang iyang kliyente gikan sa Cardinal Santos Medical Center ngadto sa Philippine General Hospital o PGH alang sa independent medical examination.
Giinsister ni Fajardo nga seryoso ug adunay dokumentasyon ang mga kondisyon sa panglawas nga giantos ni Romualdez ug dili kini iyang gipeke.
Matud niya, adunay pre-existing conditions ang kanhi House Speaker, lakip ang mga naunang operasyon ug silent strokes nga giingong gikumpirma sa iyang mga doktor.
Samtang, mipahayag sa iyang testimonya ang psychiatrist ni Romualdez nga si Dr. Lourdes Ignacio nga nadayagnos ang kanhi magbabalaod og depressive disorder nga adunay anxiety.
May kalabotan usab kini, matud pa, sa uban pa niyang heart ug brain-related conditions, diin gihatagan siya og oral medications ug regular mindfulness sessions.
Human sa duha ka adlaw nga pagdungog, gimando sa Sandiganbayan Third Division ang pagbalhin kang Romualdez ngadto sa PGH kagahapon, Septiyembre 12 alang sa independent medical examination ug confinement.
Una nang mipahayag ang iyang cardiologist nga mahimong gikinahanglan niya ang upat hangtod unom ka semana nga recovery tungod sa stress.
