Nakigduyog si Sieun sa K-pop girl group nga STAYC sa ‘Blush’ dance challenge sa BINI, nga nakadawat usab og supportive comments gikan nila BINI Jhoanna ug Maloi.
Nakigduyog usab sila Jione ug Yuna sa Keyveatz sa ‘Tic Tac Toe’ challenge sa BINI ug mipakita sa ilang kaugalingong sayaw sa maong challenge.
Samtang, padayon usab nga misikat ang musika sa BINI sa mga streaming platform, diin ang ilang pinakabag-ong EP nga ‘Signals’ nakatigom na og hapit 45 milyon ka streams sa Spotify.
Kung mahinumdoman, niadtong 2024, nakigduyog usab sa dance trend ang miyembro sa Red Velvet nga si Irene sa ‘Pantropiko’ samtang nagsugod pa lamang sa pagsikat ang maong kanta.
Ipadayon sa BINI ang ilang ‘Signals’ world tour sa Australia, New Zealand ug Taiwan, nga magsugod sa Melbourne sa Septiyembre 20.
Mas nakadani usab sa international audience ang BINI human nila mapakita ang bandera sa Pilipinas sa Coachella ug Summer Sonic sa Japan.
Tungod niini, mas nagkadaghan ang mga nakaila ug nagsubay sa BINI sa gawas sa nasod, lakip na ang pipila ka K-pop artists.
