Malipayon nga gipahibalo ni Atty. Jose Villanueva, Assistant Regional Director sa COMELEC Region 12, nga mas gipataas karong tuiga ang “honorarium” nga madawat sa mga magtutudlo nga motabang sa pagdumala sa eleksyon alang sa Barangay ug Sangguniang Kabataan Elections (BSKE) 2026.
Sumala kaniya, bisan pa sa mga kasamtangang krisis ug hagit sa ekonomiya, gipaningkamotan sa COMELEC nga mapalambo ang ihatag nga kompensasyon sa mga teachers isip pag-ila sa ilang dakong papel ug kontribusyon sa hapsay ug limpyo nga pagpahigayon sa eleksyon.
Gipadayag usab sa opisyal nga dako ang tabang sa mga magtutudlo sa matag eleksyon, maong ang pagtaas sa ilang honorarium usa ka paagi sa pagpasalamat ug paghatag bili sa ilang serbisyo.
Gilauman sa COMELEC 12 nga magpadayon ang kooperasyon sa mga magtutudlo ug uban pang election workers aron mas masiguro ang malinawon ug organisadong BSKE 2026
