GENERAL SANTOS CITY – Gipanawagan sa pipila ka konsehal ning syudad ang National Bureau of Investigation ug Criminal Investigation ang Detection Group nga panakpon na ang mga investment scheme nga padayon nga gadawat ug pay-in sa mga investors.
Kini ang nahimong hisgutanan sa mga Konsehal human makaabut kanila ang impormasyon nga may pipila ka investment scam nga subling nagahimo sa pag-awhag sa publiko nga magbutang ug salapi bugti sa dagkong interes.
Gihisgutan sa mga Konsehal ang mga pag-awhag sa social media lakip sa mga text messages sa celphone.
Ang mga residente mismo ang nakamatikod nga daghang sakyanan ang nagparada sa usa ka lugar nga giingong didto nagpay-in sa sikretong paagi.
Matud sa mga Konsehal nga imposibleng wala masayod niini ang mga otoridad.
Kahinumduman nga giangkon sa NBI Sarangani District Office nga ilang nahibaw-an ang sikretong pagbalik sa operasyon sa Kabus Padatuon(KAPA) og uban pang investment scam sa dakbayan ug uban pang kasikbit nga lugar.
.
