GENERAL SANTOS CITY – Makigpulong si Raymund Ledesma, administrator sa Bulaong Terminal sa mga supervisor sa nagkadaiyang mga bus company nga gabiyahe sa dakbayan.
Matud pa ni Ledesma nga kini aron masayran ang mga dugang aksyon nga ilang himoon aron dili makalusot ang mga tawo nga may mga dautang plano.
Alerto na ang Bulaong Terminal human sa pagbusikad sa bus sa Yellow Bus Line sa Tacurong City kung asa ang maong sakyanan ang padulong sa GenSan.
Nakig-alayon na usab siya sa mga vendors og porters sa Bulaong Terminal nga magkooperar alang sa kaluwasan sa tanan.
Ang mga nagkadaiyang units sa mga police ang gaadto kanunay sa Bulaong Terminal aron masuta ang gipatuman nga mga seguridad.
Gawas pa sa mga sakop sa Civil Security Unit nga maoy ga-inspection sa mga musulod sa Bulaong Terminal ang mga kompanya sa bus ang may mga security guard usab nga dako tabang sa seguridad.
