-- ADVERTISEMENT --
Gisupak ni Senador Robin Padilla ang pagbutang og P50 milyones nga pabuya alang sa ikadakop ni Senador Bato Dela Rosa human mogawas ang giingong arrest warrant gikan sa International Criminal Court (ICC).
Matud ni Padilla, dili siya mouyon sa maong pabuya tungod kay kinahanglan una kining tun-an ug timbang-timbanga pag-ayo, ilabina kay gigamit niini ang kuwarta sa katawhan.
Giawhag usab niya ang publiko nga susihon ang basehan sa paghatag og pabuya batok kang Dela Rosa, nga napili usab pinaagi sa boto sa mga Pilipino.
Dugang pa ni Padilla, dili angay nga tratuhon sa mga langyaw ang mga Pilipino sulod mismo sa ilang kaugalingong nasud sa maong paagi.
