Nanumpa na isip bag-ong pangulo sa Paraguay si Pedro Alliana human mapalagpot sa puwesto ang iyang gisundan nga si Santiago Peña pinaagi sa impeachment ug ipailalom sa house arrest.
May kalabotan ang maong krisis sa kontrobersiya nga naglibot sa pagkapukan sa digital bank nga Ueno, usa sa dagkong bangko sa nasud nga nagserbisyo sa halos katunga sa populasyon sa Paraguay.
Sumala sa mga prosecutor, padayon pa nilang giimbestigahan ang posibleng mga kaso nga ipasaka batok kang Peña, lakip na ang alegasyon sa ‘influence peddling’ o paggamit sa gahum ug impluwensya sa gobyerno aron makakuha og pabor.
Gipahigayon ang impeachment human magkauyon ang mga senador sa pagbotar pabor sa pagtangtang kaniya sa puwesto.
Nahitabo kini bisan pa sa iyang tanyag nga mobiya na lang sa katungdanan, nga wala dawata sa Senado tungod kay gipadayon ang proseso sa impeachment.Human sa iyang pagkasikop ug pagbutang sa house arrest, nagtigom ang pipila ka mga raliyista sa gawas sa iyang pinuy-anan, hinungdan nga nagdugang og presensya sa kapulisan aron mapadayon ang kalinaw ug kahapsay.
