Gipasidan-an ni House prosecution panel member ug Representative Terry Ridon ang kampo ni Vice President Sara Duterte nga dili na molampos ang bisan unsang taktika aron malangan ang impeachment trial.
Matod ni Ridon, ang iskedyul sa Impeachment Court nagsilbing pormal nga deadline nga kinahanglang sundon sa depensa sa pagpresentar sa ilang mga saksi ug ebidensya batok sa mga pasangil sa prosekusyon.Base sa mga dokumento sa korte, nagsumite na ang kampo sa depensa og listahan sa 25 ka saksi.
Apan, mibakwi sa iyang partisipasyon si Ralph Sarmiento, usa ka political ug constitutional law professor, nga orihinal nga gikatakdang mahimong unang saksi.Una nang giingon sa prosecution nga naggamit ang kampo ni Duterte sa gitawag niyang “3D tactic” o Delay, Delay, and Divert aron malangan ang proseso ug mabalhin ang atensyon gikan sa impeachment case.
Gipasiugda nga kinahanglan mapadayon ang husay subay sa gitakdang iskedyul aron masiguro ang patas ug tukmang panahon nga paghusay sa kaso.
