21 sa 24 ka mga saksi nga gustong ipatawag sa kampo ni Bise Presidente Sara Duterte alang sa impeachment trial ang nakadawat na og subpoena isip pagpangandam sa pagpadayon sa mga pagdungog karong Nobyembre 9 hangtod 13.
Gikumpirma kini ni Senate Secretary ug Impeachment Clerk of Court Renato Bantug Jr., kinsa miingon nga ang nahibiling tulo ka subpoena ipasaka naman karong Lunes, Nobyembre 9.
Gilauman nga magsugod sa maong adlaw ang presentasyon sa depensa, diin motubag ang mga saksi sa direktang pagpangutana sa kampo ni Duterte, cross-examination sa prosecution, ug mga pangutana gikan sa mga senador nga nagsilbing huwes.
Nahinumdoman nga 24 ka saksi ang nahibilin sa listahan sa depensa human miatras si Dean Ralph Sarmiento, nga usa usab sa unang gustong ipatawag sa kampo ni Duterte.
Kabahin sa pagpangandam sa pagdungog ang pagserbisyo sa subpoena aron masiguro ang pagtambong sa mga saksi nga gikinahanglan nga moatubang sa impeachment court.
