Nagkauyon si Pangulong Ferdinand Marcos Jr. ug Moro Islamic Liberation Front (MILF) Chair Ahod “Al Haj Murad” Ebrahim nga paspason ang pagpatuman sa mga kasabutan alang sa kalinaw sa Bangsamoro region.
Gipahayag sa MILF nga andam silang makigtambayayong sa gobyerno aron makompleto ang Comprehensive Agreement on the Bangsamoro (CAB) ug masiguro ang malungtarong kalinaw sa rehiyon.
Gihisgotan usab sa ilang panagtagbo ang pagpadali sa mga programa panginabuhian ug uban pang lakang aron mapadayon ang kalinaw.
Matud ni Palace Press Officer Undersecretary Claire Castro, lakip sa ilang gihisgotan ang pagkompleto sa katapusang hugna sa decommissioning sa mga manggugubat sa MILF nga gikatakdang ipatuman sa 2027.
Gitinguha sa duha ka partido nga mahuman ang tanang nahibiling obligasyon ubos sa kasabutan ug mapirmahan ang exit agreement sa dili pa matapos ang termino ni Marcos.
