GENSAN- Nakabawi na matod pa ang depensa sa miaging pagdungog sa impeachment trial ni Vice President Sara Duterte, ilabi na sa cross-examination ni Atty. Michael Poa sa mga saksi gikan sa Commission on Audit o COA.
Matod ni Atty. Xavier Bayan, nakahatag og punto ang depensa atol sa pag-cross-examine ni Poa, ilabi na sa paghisgot sa kahulugan sa confidential funds ug sa mga probisyon sa mga joint circular nga naglatid sa paggamit niini.
Gipunting usab ni Bayan nga posible pa nga ma-justify sa depensa ang pipila ka paggasto gamit ang confidential funds, sama sa medisina, lamesa, lingkoranan, goods ug supplies, tungod kay mahimo kini nga ikonsiderar isip mga expenditure nga may kalabotan o allied sa confidential ug security purposes.
Matod pa niya, mahimo pa nga mapamatud-an sa depensa nga adunay hustong basehan ang maong mga paggasto.
