Personal nga gibisita ni Police Regional Office 12 Regional Director PBGEN Alan B. Manibog ang pamilya sa walo ka tuig nga batang babaye nga namatay sa aksidente sa dalan nga nalambigit ang police patrol vehicle ug motorsiklo sa Koronadal City niadtong Nobyembre 10, 2026.
Atol sa pagbisita sa Renaissance Chapel sa Koronadal City, gipahayag ni Manibog ang iyang kinasingkasing nga pakikiramay sa pamilya sa biktima ug mitunol usab og pinansyal nga tabang isip pagpakita sa simpatiya ug suporta sa ilang panahon sa pagbangotan.
Gipahayag usab sa PRO12 ang ilang kabalaka alang sa lola sa bata nga naangol sa maong aksidente, ug nanghinaut nga dali kining maulian.
Gipasiguro sa kapulisan nga nagpadayon ang usa ka hugot, patas ug transparent nga imbestigasyon aron matino ang tinuod nga mga sirkumstansya sa insidente.
Sa pagkakaron, anaa na sa kustodiya sa kapulisan ang police personnel nga nagmaneho sa patrol vehicle samtang gipadayon ang imbestigasyon.
“We deeply grieve with the family over this heartbreaking loss. Walang salitang makapapawi sa sakit ng pagkawala ng isang anak, ngunit nais nating iparamdam sa pamilya na hindi sila nag-iisa sa panahon ng kanilang pagdadalamhati. Tinitiyak natin na ang insidenteng ito ay masusing iimbestigahan at walang sinuman ang higit sa batas. Pananatilihin natin ang due process, pananagutan, at katarungan,” matud ni PBGEN Alan B Manibog, Regional Director, PRO12.
