Gidakop sa kapulisan ang usa ka lalaki human sa gikatahong pagpanghuyog og armas sa Purok Lanton, Overview, Barangay Apopong, General Santos City, alas-sais sa buntag niadtong Nobyembre 11, 2026.
Giila ang nadakpan nga si Junnoy S. Lingkon.
Base sa report, responde dayon ang mga personahe sa Police Station 2, kauban ang CMFC SWAT, 1201st Maneuver Company ug 43rd Special Action Company, human makadawat og report kabahin sa gikatahong pagpabuto og armas.
Gipahigayon ang hot pursuit operation nga misangpot sa pagkadakop sa suspek.
Narekober usab gikan kaniya ang usa ka kalibre .45 nga pistola ug mga bala.
Gibutyag sa kapulisan nga posible pang pasakaan og dugang nga kaso ang suspek kalabot sa kadaot sa kabtangan, depende sa mga reklamo nga ipasaka sa ubang posibleng biktima.
