-- ADVERTISEMENT --
Nalisgan og Howo dump truck ang usa ka babaye nga miresulta sa iyang kamatayon pasado alas-3 sa hapon , Novembre 13 sa Kiamba-Makar Road, atbang sa Towel Can Corporation sa Barangay Calumpang, General Santos City.
Base sa nakitang identification card, giila ang biktima nga si Maribeth Del Rosario Dee. Matud sa report sa Traffic Enforcement Unit o TEU sa GSCPO, nadawat sa kapulisan ang tawag bahin sa aksidente alas-3:29 sa hapon ug nakaabot sa lugar ang mga rumespondeng personnel alas-3:34, o lima ka minuto human madawat ang report.
Gi-impound sa kapulisan ang Howo dump truck ug gipabilin sa ilang kustodiya ang drayber alang sa tukmang imbestigasyon.
Padayon pang gisusi sa mga otoridad ang eksaktong hinungdan ug mga sirkumstansya sa aksidente.
