Nagbanga-anay ang duha ka firefighting helicopter samtang nag-operate batok sa kusog nga sunog sa kalasangan sa Greece kagahapong adlawa.
Nahitabó ang insidente sa Attica region, kasadpang bahin sa Athens, diin nagtabang ang mga helicopter sa pagpalong sa nagdako nga wildfire nga nakaguba na og kapin 100 ka mga balay.
Matud sa Greek Fire Service, luwas nga nakit-an ang mga sakop sa crew sa usa ka helicopter, samtang nagpadayon pa ang search and rescue operation alang sa mga sakay sa ikaduhang aircraft.
Tungod sa kakusog sa sunog, gipahigayon sa mga awtoridad ang mandatory evacuation sa pipila ka lugar sa Attica, lakip ang mga komunidad duol sa lungsod sa Megara.
Samtang, adunay laing wildfire nga misilaob sa tourist island sa Kefalonia, hinungdan nga gipabakwit usab ang mga residente sa pipila ka barangay.
Bisan pa nga naghinay-hinay na og kahupay ang mga wildfire sa France ug Spain, padayon gihapon ang grabe nga hulaw ug heatwave sa ubang bahin sa Europe nga nagpasamot sa peligro sa dagkong sunog ug kakulang sa tubig.
