Gisugdan na ni Pope Leo XIV ang iyang pagbisita sa pipila ka nasud sa South America aron hisgutan ang nagkalain-laing isyu nga giatubang sa maong rehiyon.
Gilauman nga molungtad og 12 ka adlaw ang iyang pagbisita sa mga lugar nga adunay daghang populasyon sa mga Katoliko ug kasamtangang nag-atubang sa grabeng mga panagbangi sa politika.
Una siyang miabot sa Uruguay, usa sa mga nasud sa Latin America nga nailhan tungod sa lig-on nga demokrasya niini.
Gikan didto, gikatakdang mopadulong ang Santo Papa sa Argentina ug Peru. Giisip ang maong biyahe nga usa sa labing lisod nga overseas trips nga gihimo sa usa ka lider sa Simbahang Katolika sa milabay nga mga dekada.
Kahinumdoman nga miagi sa operasyon sa baga ang 71-anyos nga Santo Papa niadtong miaging bulan. Naglaum ang Vatican nga magpadayon ang iyang pagkaayo ug dili na kinahanglan ang espesyal nga pag-amping sa iyang panglawas atol sa biyahe.
Gikatakda usab nga bisitahan ni Pope Leo XIV ang napulo ka siyudad ug maghatag og kinatibuk-ang 36 ka pakigpulong alang sa mga Katolikong magtutuo.
