Narekord ang 43 ka patay nga balyena sa baybayon sa Ngawi hangtod Mangatoetoe sa North Island, New Zealand, human sila ma-stranded sa maong dapit niadtong Huwebes.
Sumala sa Department of Conservation (DOC) sa New Zealand, unang namataan ang grupo sa mga pilot whale sa Ngawi coast duol sa Cape Palliser.
Basi sa report Kapin 20 ka balyena ang unang nakit-an nga na-stranded, diin upat niini ang buhi pa. Nakig-alayon ang organisasyon sa mga ahensya sa gobyerno ug lokal nga tribo sa Māori aron matabangan ang mga buhi pang balyena ug masusi ang ilang kahimtang.
Apan, pagkasunod nga Biyernes, 43 na ka patay nga balyena ang nakit-an sa maong baybayon. Gipasabot sa DOC nga kasagarang ma-stranded sa baybayon ang maong klase sa balyena, apan wala pa matino ang hinungdan nganong mahitabo kini.
