-- ADVERTISEMENT --
Nakatala ang South Korea ug bag-ong rekord sa kainit human misaka sa kapin 41 degrees Celsius ang temperatura tungod sa grabeng heatwave nga miigo sa nasud.
Sumala sa Korea Meteorological Administration (KMA), nalabwan niini ang kanhing national record nga 41.0 degrees Celsius nga natala niadtong 2018.
Sulod na sa tulo ka sunod-sunod nga adlaw nga milapas sa 40 degrees Celsius ang temperatura sa Yangsan tungod sa kusog nga heatwave nga nakaapekto sa daghang bahin sa South Korea.
Tungod niini, gipataas sa KMA ang pinakataas nga lebel sa heatwave warning sa pipila ka lugar sa South Gyeongsang Province, samtang nagpabilin usab ang mga pahimangno sa tibuok nasud.
