Gipahibalo ni Kenneth Carisma, Division Information Officer sa DepEd General Santos City, nga padayon silang mudawat og mga late enrollees alang sa School Year 2026-2027.
Matud ni Carisma, mahimo pa nga maka-enroll ang mga estudyante sulod sa 30 ka adlaw human sa opisyal nga enrollment period.
Gani, mahimo gihapon silang dawaton basta wala pa maabot ang gidaghanon sa school days nga kinahanglan nilang matambongan sa tibuok tuig sa pag-eskwela.
Gidasig usab sa opisyal ang mga ginikanan ug estudyante nga adunay plano nga magpa-enroll nga lihokon kini sa labing sayong panahon aron malikayan ang posibleng kalisod sa pagproseso sa ilang enrollment.
Nagpabilin nga bukas ang DepEd Gensan sa paghatag og oportunidad sa mga kabataan nga makapadayon sa ilang edukasyon bisan pa man og nalangan sila sa pagpa-enroll
