Saudi Arabia, mipasalig nga manimalos batok sa mga rebeldeng Houthi

Gipasalig sa Saudi Arabia nga manimalos sila sa pag-atake sa ilang mga tugpahanan nga gihimo sa mga rebeldeng Houthi.

Matod ni Prince Abdul Aziz bin Salman, seryoso nilang gitagad ang sunod-sunod nga pag-atake sa mga rebeldeng Houthi.

Dugang pa niya, dili angay nga pasagdan lamang ang maong insidente tungod kay walay kalooy ang naghimo niini.

Sa miaging mga adlaw, duha na ka tugpahanan ang giatake sa mga rebeldeng Houthi.

Gisuportahan sa Saudi Arabia ang gobyerno sa Yemen sa pagpakigbatok sa mga rebeldeng Houthi.

Sukad pa niadtong 2014, naningkamot na ang mga rebeldeng Houthi nga makontrolar ang gobyerno sa Yemen.