Nangandam ang US alang sa usa ka “Monster Storm” nga magdala og kusog nga niyebe.
Gilauman nga makaapekto ang monster storm sa dakong bahin sa Amerika.
Gilauman nga anaa sa 16 ka pulgada ang gibag-on sa niyebe nga adunay gitas-on nga 2,000-milya gikan sa Texas hangtod sa New England.
Gumikan niini, daghang mga flight ang nakansela sa lainlaing mga bahin sa US.
Gitino ni Homeland Security Secretary Kristi Noem, nga iyang gi-activate ang National Response Coordination Center aron monitoron ang bagyo ug mangayo og federal suport para sa mga apektadong lugar.
Nag-andam usab sila og 30 ka generator, 250,000 ka pagkaon, 400,000 ka litro nga tubig, habol, pagkaon sa bata ug uban pang importanteng suplay.
Nagpadala usab sila og tulo ka Incident Management Assistance Teams (IMATs) nga adunay dugang nga 15 ka team nga naka-standby, 28 ka urban search and rescue teams ang naka-standby usab.
Daghang mga estado sama sa Kansas, Washington DC, Philadelphia ang nagdeklarar og “State of Disaster Emergency”.
