Gipakatap ang mga riot police sa gawas sa Constitutional Court sa Warsaw, Poland human gisuspenso sa grupo sa mga huwes ang punong hukom nga si Bogdan Święczkowski ug ang iyang deputy nga si Bartłomiej Sochański.
Misangpot kini sa tensiyon tali sa kapulisan ug gatusan ka mga nagprotesta nga misuporta sa gisuspensong mga huwes, diin tulo ka indibidwal ang gidakop human adunay milapas sa koral ug nanglabay og mga butang ngadto sa mga pulis.
Mibalik usab sa Warsaw si Polish President Karol Nawrocki aron manghilabot sa kontrobersiya ug misulod sa bilding sa korte bisan pa sa presensya sa mga security personnel.
Gikuwestiyon ni Nawrocki ang paglihok sa mga huwes nga gitudlo sa gobyerno ug miingon nga gilapas niini ang konstitusyonal nga kahimtang sa nasud.
Ang panagbangi kabahin sa dugay nang kontrobersiya sukad 2015 bahin sa legalidad ug pagkalehitimo sa Constitutional Court sa Poland.
