Milapas na sa 5,000 ang ihap sa namatay tungod sa Ebola outbreak sa Democratic Republic of Congo, sumala sa datos sa gobyerno.
Kapin sa 10,000 ka tawo ang nataptan sukad Mayo, wala pa gihapoy naaprobahan nga tambal o bakuna aron masugpo ang talagsaon nga strain sa Ebola virus nga hinungdan sa Bundibugyo virus disease (BVD).
Ang mga awtoridad nag-ingon nga walo sa 26 ka probinsya sa Congo ang naapektuhan sa Ebola virus, diin daghang namatay ang gitaho sa gawas sa mga treatment center.
Ang Ebola outbreak karong tuiga giisip nga ikaduha nga pinakadako sa kasaysayan sa kalibutan, ikaduha lamang sa 2014-2016 outbreak nga naka-impeksyon sa hapit 28,600 ug nakapatay sa hapit 11,000 sa Guinea, Liberia, ug Sierra Leone.
Niadtong miaging Domingo, ang Nigeria nahimong ikaupat nga nasud sa Africa nga nagreport og kaso sa Ebola. Samtang, ang Kenya ug Uganda miapil usab sa mga nasud sa East Africa nga nakatala og mga kaso sa Ebola.
