GENSAN- Nagpakita og kabalaka ang mga residente sa likod sa Gensanville, partikular sa Brgy. Lagao, human mapansin ang daghang basura nga nagkatag sa daplin sa kalsada.
Ang nagkatag nga basura nakahatag og dili maayo nga kahimtang sa palibot ug posibleng makahatag og kadaut sa panglawas sa mga tawo ug sa kahinlo sa komunidad. Gipaklaro ni Kapitan Dennis Besa, Punong Barangay sa Baluan, nga ang maong kalsada sakop gyud sa Brgy. Lagao, busa ang responsibilidad sa paglimpyo niini nahimutang sa ilang barangay.
Matud pa niya, nagplano na ang barangay og koordinasyon uban sa City Environment and Natural Resources Office (CENRO) aron masulbad ang problema sa basura ug mapalig-on ang regular nga limpyo sa maong lugar.
Gidasig usab sa punong barangay ang mga residente nga dili maglabay og basura sa kalsada ug gamiton ang mga designated collection points aron malikayan ang pagsangkap sa kanal ug dalan, nga mahimong hinungdan sa baha ug mga sakit.
Ang barangay nagpadayon sa information drive ug kampanya sa kahinlo aron masabtan sa katawhan ang kahinungdanon sa pagpanalipod sa kalikupan ug sa kahimsog sa komunidad.
