-- ADVERTISEMENT --
Andam nang ipresentar sa International Criminal Court (ICC) ang mga ebidensya ug mga saksi sa panig sa mga biktima sa drug war sa pagsugod sa paghusay batok kang kanhi Presidente Rodrigo Duterte sa Nobyembre 30.
Gibanabana nga 60 hangtod 70 ka saksi ang posibleng ipresentar sa prosecution, samtang adunay 52 ka stipulations nga posibleng kasabutan sa duha ka panig.
Bisan limitado ang pondo sa legal team alang sa pagbiyahe ngadto sa Netherlands, gipasalig ni Colmenares nga aduna gihapoy opisyal nga representante sa hearing.
Matod pa sa abogado, base sa independent medical assessment, angay nang moatubang sa paghusay ang kanhing presidente bisan pa posibleng dili kini motambong sa status conference.
