-- ADVERTISEMENT --
SARANGANI – Gipakusgan sa Sarangani Provincial Hospital ang ilang programa batok sa HIV pinaagi sa Red Ribbon Hub, ang treatment hub para sa mga people living with HIV sa probinsya, diin gitutukan ang paghatag ug early treatment ug suporta aron malikayan ang pagkaylap sa sakit.
Sumala ni Joey Babayen-on, HIV Nurse Coordinator ug Supervisor sa Sarangani, importante kaayo nga hisgutan ang HIV/AIDS karon tungod kay nagkataas na ang mga kaso sa tibuok Pilipinas ug nagkabata pa ang mga naigo niini.
Ang pagpalapad ug pagpahibalo sa impormasyon ug serbisyo sa HIV dili lamang makatabang sa pasyente kundi usa usab ka paagi aron mapugngan ang mas daghang kaso sa komunidad, kini usa ka tawag sa tanan nga magmatngon ug mag-amping.
