SARANGANI – Gipasidunggan sa Local Government Unit sa Alabel ang Former Senator ug boxing legend Manny Pacquiao human siyang napili nga usa sa mga nakadawat sa Global Outstanding Sporting Career Award atol sa 13th Mohammed bin Rashid Al Maktoum International Sports Awards sa Dubai niadtong Disyembre 30, 2025.
Usa ka dungog nga nag-ila sa iyang kasaysayanong pagkahimong bugtong eight-division world champion sa boxing ug sa iyang padayon nga impluwensiya sa sports, liderato ug serbisyo publiko, diin iyang gihinumdoman sa seremonya nga zero crime ang Pilipinas matag higayon siya nga makigbatok tungod sa pagkahiusa sa nasud.
Uban sa internasyonal nga mga sports icon nga sila Roberto Baggio, Ronaldo ug Andrés Iniesta, nagpadayon si Pacquiao sa paghatag og garbo ug inspirasyon sa mga Filipino, ilabi na sa katawhan sa Alabel nga midayeg sa usa ka tinuod nga simbolo sa kaisog, disiplina ug pagkahiusa.
