-- ADVERTISEMENT --
GENSAN- Personal nga gibisita ni Gensan City Mayor Lorelie Pacquiao ang mga pamilyang nasunogan ug mga tag-iya sa ukay-ukay stalls sa Prk. Islam Brgy. Dadiangas South atbang sa Central Public Market, aron mangumusta ug maghatag og dugang nga tabang.
Giadtuan sa mayor ang evacuation center sa Barangay Dadiangas South Gymnasium kon asa temporaryong nahimutang ang mga pamilyang nawad-an og pinuy-anan tungod sa dakong sunog.
Naghatag usab ang lokal nga panggamhanan og dugang nga mga nag-unang panginahanglan alang sa mga biktima, lakip ang food packs, ready to eat food, sleeping kits, mga gamit sa kusina ug tubig nga mainom.
Naka-standby usab ang’mobile kitchen’ sa syudad aron maghatag ug pagkaon alang sa mga apektadong pamilya.
