MAASIM, SARANGANI– Nasikop sa kapulisan ang usa ka wanted person tungod sa kasong physical injuries sa Barangay Pananag, Maasim, Sarangani Province, pasado alas-3:40 sa hapon, Oktubre 26, 2026.
Giila ang nadakpan nga si alias “Hunyo” nga giatubang ang warrant of arrest tungod sa maong kaso ubos sa Article 266 sa Revised Penal Code.
Gipahigayon ang operasyon sa Maasim Municipal Police Station o MPS, kauban ang 1204th Mobile Company sa Regional Mobile Force Battalion 12 o RMFB 12.
Human sa pagdakop, gipahibalo sa suspek ang iyang mga katungod ubos sa balaod ug gidala sa kustodiya sa Maasim MPS alang sa tukmang disposisyon, samtang gipaabot ang gikinahanglang physical examination.
Gipadayag usab ni Police Regional Office 12 Director PBGEN Alan B. Manibog ang kamahinungdanon sa pagpatuman sa mga warrant of arrest nga gipagawas sa korte subay sa balaod, lakip ang pagsiguro nga gitahod ang katungod sa matag indibidwal sa matag operasyon.
