Temporaryong ihunong sa Senado sulod sa mga 7 hangtod 10 ka adlaw ang impeachment trial ni Bise Presidente Sara Duterte aron tutokan ang plenary debates sa nasudnong badyet.
Matod ni Senate President Sherwin Gatchalian, kinahanglan una nga mapresentar sa kampo ni Duterte ang ilang depensa ug ebidensya sa dili pa hisgotan ang sunod nga lakang sa impeachment proceedings.
Samtang, gipasalamatan ni Gatchalian ang mga civil society group sa pagbutyag sa giingong dagkong insertion sa badyet nga giaprobahan sa House of Representatives.
Gipasabot niya nga ang tanang gisugyot nga kausaban sa mga proyekto kinahanglan adunay lig-on nga basihan ug suportado sa mga pagtuon ug teknikal nga pagsusi.
Tungod sa kadaghan sa buluhaton, andam ang mga senador nga magtrabaho bisan panahon sa Pasko aron maaprobahan ang nasudnong badyet sa dili pa matapos ang tuig.
