GENSAN- Gipahinumdoman ni Atty. Donna Ann Balboa, Board of Director sa Philippine Red Cross Sarangani Gensan Chapter, ang mga gustong modonar og dugo sa umaabot nga Dugong Bombo 2026 nga siguruhon ang maayong panglawas ug saktong pagpangandam sa dili pa ang blood donation.
Matod ni Balboa, importante ang igong tulog og saktong pagkaon sa dili pa modonar ug maayo kung muinom og daghang tubig aron malikayan ang dehydration.
Giawhag usab ang mga donor nga likayan ang pag-inom og alkohol sa gabii sa dili pa ang blood donation.
Gidugang niya nga kinahanglang himsog ang mga donor, walay ubo, sip-on o hilanat, ug maabot ang minimum nga timbang nga gikinahanglan. Kinahanglan usab nga moagi sa medical screening aron masiguro nga luwas ang pagdonar og luwas usab ang blood recipient kon makadawat sa dugo.
Giawhag usab niya ang publiko nga muapil sa sa Dugong Bombo 2026: A little pain; A life to gain nga ipahigayon sa Sabado, Nobyembre 14, 2026 sa Ronbinson Gensan.
Ang successful blood donors makadawat ug ‘specially designed’ dugong bombo t-shirt, hot meals og drinks, vitamins, certificate, ug donor’s card.
