Subling nanawagan ang Malacañang kang Senador Ronald Bato dela Rosa nga boluntaryong motahan ug dili mahimong ehemplo sa ubang mga tawo nga dunay warrant of arrest nga nagtago-tago sa awtoridad.
Kini nunot sa paghatag sa Department of the Interior and Local Government og P50 milyones nga reward sa pagkasikop sa senador. Gihatagan usab siya sa Philippine National Police og usa ka semana nga grace period aron mo-surrender, samtang si Interior Secretary Jonvic Remulla nag-isip kaniya nga armado ug delikado.Buy Globo
Giingong mas maayo ang boluntaryong pagsurender aron dili na molihok ang kapolisan. Hinuon gipasalig sa Palasyo nga padayong pangitaon sa mga otoridad si Dela Rosa kung dili kini motuman sa gipatawag. Gihatagan usab og gibug-aton nga isip senador ug kanhi hepe sa PNP, kinahanglang manguna siya sa pagtuman sa balaod.
Si Dela Rosa nag-atubang og warrant of arrest nga giisyu sa International Criminal Court kalabot sa kampanya batok sa drugas ni kanhi Presidente Rodrigo Duterte, kinsa kasamtangang gitanggong sa The Hague, Netherlands, samtang nagpaabot sa husay sa kasong crimes against humanity.
